يا مسلم و يا مسيحي

يا مسلم و يا مسيحي اسمعوا مني النصيحة
من هنا و رايح مااسمعش غير حسن الكلام

ما حدش يسأل شيخ عن حكم التهاني
و لا حد يقول دول ضيوف جم مع الإسلام

فرق الطغاة بيننا عشان يسود حكمهم
و جمعنا حب العدل و الوطن و السلام

يا مسلم نسيت جورج إسحاق
أول من قال كفاية، الحكم مش للأبد

و لا مجدي يعقوب ساب الدنيا
و في أسوان بيعالج قلوب البلد

و يا مسيحي معاك بالقليل تلت الفلوس و حر دينك

ما يغركش أمريكا و أوربا
كلامهم كتير و وقت الجد بايعينك

الكل يطلب حقوقه و الكل يسمع له
دي حاجة مشروعة

و المجرم يروح ع السجن
محدش له فيه كلمة مشفوعة

الكل يصلي في معبده
و جمعة و حد يفقه دينه

الكل في واحد في الجد و اللعب
و اللي يتقوقع مش حاسبينه

الكل متدين و الدولة مدنية
شريعته محفوظة و الظالم ندينه